حكاية بوعتريسة

حكاية بوعتريسة

كان في سبع اولاد وكانو يسافروبزاف وكانو الاولاد الستة عندهم احصنة اما الصغير السابع فكان عندو عتروس"جدي"  كانوا يعطولو بوعتريسة .
في يوم من الايام وهم مسافرين وصلوا لبيت في اعلى الجبل، ولم طرقوا الباب فتحتلهم امرأة عجوز الباب وادخلتهم.
قالتلهم: ان راح اعطي اكل للاحصنتكم.
بصح بوعتيريسة قاللها: انا راح نوكل عتروسي بنفسي، لانوا ماياكلش غير من ايدي.
وبعدها حضرت العشاء للاخوة السبع الي هو الكسكس" اكلة شعبية" بالحليب ، والحليب نتاع المراة العجوز.كل الاولاد اكلو الا بوعتيريسة قاللها : انا ما نكلش الكسكس بالحليب.
وفي الليل كيرقدو راحت العجوز تجيب الماء من البئر وحطاتو على النار باه تطبخهم وتاكلهم، لكن بوعتريسة شافهااا وقام برمي الماء.
لما جات وشافت الماءسايح تعجبت لان كل الاولاد راقدين. زادت رجعت وجابت الماء وحطاتو على النار.وبوعتيريسة في كل مرة يرميه حتى طلع الصباح.راحت العجوز ترقد.
اجا بوعتيريسة وخبر خاوتو واش شاف قامو وهربو.
لما ناضت العجوز وما لقاتش الاولاد غضبت وتبعتهم لأنها شمت ريحتهم حتى وصلت ليهم.
قالتلهم:"ابرك ابرك يا الي شرب حليبي ابرك ابرك"
الاخوة الستة كلهم وقعو على الارض الا بو عتيريسة هرب، لأنو ما شربش حليبها
اخذت العجوز الاولاد، لذلك اراد الانتقام منها.
في احد الايام طلع الجبل واخذ ينادي: الي يحوس على خواتم، اواني، صناديق للنوم،.....
خرجت العجوز وقالت: انا نحوس على صندوق للنوم.
قاللها: انا ما نبيع الا اذا كان الصندوق في مقاسك، ادخلي فيه باه نشوف.
لما دخلت العجوز في الصندوق قفل عليهابالمفتاح، وداهاللغابة. وكان حافر حفرة كبيييرة مشعل فيها النار. قالتلو: خرجني وراح نعطيك شئ لتحوس عليه
قاللها: انا ما نحوس على حتى شي بعد ما قتلتيلي اخواتي.
قالت: انا ما قتلتهم هما مازلوفي البيت.
فرح بوعتريسة بزاف، رمى الصندوق بالعجوز في النار وراح للجبل باه ينقذ اخواتو.
انقذهم ورجعوا للبيت وعاشو في سعادة وهناء الى الممات.